បើជ្រើសរើសគួរជ្រើសរើស ការរូមភេទដោយសុវត្ថិភាព!

សិល្បៈ កីឡា សុខភាព

Saturday, 21 July 2012 17:10 by Khmerstation

បញ្ហាផ្លូវភេទត្រូវបានចាត់ទុកជាប្រធានបទខ្មាស់អៀនមួយសំរាប់មនុស្សទូទៅ ប៉ុន្តែវាក៏ជាផ្នែកមួយដ៏សំខាន់ដែលយើងគួរតែយល់ដឹង។ ដោយសារកត្តាមួយចំនួនបាន ជំរុញឲ្យយុវវ័យមួយចំនួនប្រលោកក្នុងការរួមភេទមុនរៀបការទាំងវ័យក្មេង ដោយសារភាពភ្លើនភ្លើតខ្វះការពិចារណានិងភាពប្រុងប្រយ័ត្ន អាចបណ្តាលឲ្យពួកគេជួបផលវិបាកមួយចំនួនដូចជា ជំងឺឆ្លង មានផ្ទៃពោះនៅវ័យក្មេង រំលូតកូនដោយគ្មានសុវត្ថិភាពដែលអាចប៉ះពាល់ដល់អាយុជីវិត បោះបង់ការសិក្សា ឬក៏ទទួលការម៉ាក់ងាយពីសង្គមជាដើម។ ដូច្នេះមិនថាយុវវ័យឬមនុស្សទូទៅដែលសំរេចចិត្តទទួលយកការរួមភេទមុនរៀបការ គួរប្រុងប្រយ័ត្នហើយប្រាកដថាអ្នករួមភេទដោយសុវត្ថិភាព។ Khmertec សូមលើកយកការរួមភេទដោយសុវត្ថិភាពមក ដើម្បីឲ្យអ្នកទាំងអស់យល់ដឹង :

តើអ្វីជាការរួមភេទដោយសុវត្ថិភាព?

ការរួមភេទដោយសុវត្ថិភាព គឺការការពារដៃគូររួមភេទទាំងពីរពីជំងឺឆ្លង ការមានផ្ទៃពោះដោយមិនបានព្រៀងទុក និងមានការព្រមព្រៀងដោយដៃគូរទាំងសងខាង។ មុននឹងសំរេចចិត្តទទួលយកការរួមភេទ ដៃគូរទាំងពីរត្រូវពិចារណាហើយត្រៀមចិត្តទទួលយកលទ្ធផលនាពេលអនាគត។ ត្រូវប្រើប្រាស់វិធីការពារដ៏សមស្របដូចជា ប្រើប្រាស់ស្រោមអនាម័យរាល់ពេលរួមភេទដើម្បីការពារជំងឺឆ្លងផ្សេងៗដូចជា អេដស៏ ប្រមេះជាដើម ហើយជាពិសេសគឺការមានផ្ទៃពោះដោយចៃដន្យ ដែលជាដើមចមទៅកាន់ការរំលូតកូនដោយគ្មានសុវត្ថិភាព។ ប្រសិនដៃគូរណាមួយបដិសេធមិនប្រើប្រាស់ស្រោមអនាម័យ សូមពិចារណាឡើងវិញព្រោះការរួមភេទនេះអាចមិនមែនកើតឡើងដោយសេចក្តីស្រលាញ់រវាងគ្នានិងគ្នាទេ ដែលគ្រាន់តែជាការស្វែងរកសេចក្តីសុខតែមួយពេលប៉ុណ្ណោះ ព្រោះបើវាកើតឡើងដោយសេចក្តីស្រលាញ់ ការបារម្ហរវាងគ្នាដៃគូរទាំងពីរតែងតែមាន។ ប្រសិនបើអ្នករួមភេទដោយមិនបានការពារ ត្រូវទៅពិនិត្យឈាមរកមេរោគឆ្លងដើម្បីទប់ស្តាត់វាទាន់ពេលវេលា ហើយបើសិនជាមានផ្ទៃពោះដោយអចេតនា ហើយអ្នកនៅក្នុងកាលៈទេសៈដែលមិនអាចរក្សាទុកបាន សូមស្វែងរកការពិភាក្សាយោបល់ពីអ្នកជំនាញ ឬគ្លីនិកដែលមានជំនាញច្បាស់លាស់ក្នុងការរំលូតដោយសុវត្ថិភាពដែលមិនមានផលប៉ះពាល់ផ្សេងៗទៅអនាគត សូមរកជំនួយពីសំណាក់ដៃគូរ ឬក្រុមគ្រួសារនិងមិត្តភក្តិឲ្យជួយជាកំលាំងចិត្ត។ ប្រសិនបើអ្នកជ្រើសរើសការរួមភេទ គួរជ្រើសរើសការរួមភេទដោយសុវត្ថិភាពដល់ដៃគូរទាំងពីរដោយភាពវៃឆ្លាត។

ព័ត៌មានផ្សេងទៀត...

ពត៌មានថ្មីៗ